З узвядзеннем у Камосках аграгарадка ў лепшы бок змянілася і жыццё на вёсцы. Мясцовыя жыхары атрымалі ў падарунак новую бібліятэку. Яна падзяляе адзін будынак з комплексна-прыёмным пунктам, але стала больш прасторнай і ўтульнай.
Гаспадарыць у кніжным доме чалавек, улюблёны ў сваю прафесію, творчы і неардынарны. Шаснаццаць гадоў таму назад Іна Уладзіміраўна Паліўкіна (на здымку), выхавацель па спецыяльнасці, прыйшла працаваць у новую для сябе сферу. Бібліятэчная справа захапіла. У кніжках, як вядома, захоўваюцца народная мудрасць і гістарычны вопыт народа. У Палітаддзельскай бібліятэцы кніжны фонд складае каля 7,5 тысячы экзэмпляраў. Паслугамі яе карыстаюцца 280 чытачоў, з іх 46 – дзеці і падлеткі. Чытаюць тут розныя па жанрах выданні: гістарычную літаратуру, класіку, сучасныя дэтэктывы, жаночыя раманы.
Штомесяц прыходзяць у Камоскі і перыядычныя выданні. Толькі газет набярэцца каля 30. Гэта любімая ўсімі раёнка, абласныя выданні “Віцебскі рабочы”, “Народнае слова”, а таксама газеты “СБ”, “Рэспубліка”, “АиФ”. З задавальненнем вяскоўцы чытаюць і часопісы “Хозяин”, “Гаспадыня”, “Алеся”, “Родная прырода”, “Урожайные сотки”, “Цветок”. Дзеці цікавяцца такімі выданнямі, як “Вясёлка”, “Незнайка”, “Лесавік”, “Рюкзак”.
Іна Уладзіміраўна Паліўкіна ў сваёй рабоце не абмяжоўваецца толькі задавальненнем патрэб вяскоўцаў у чытанні. Пры бібліятэцы, напрыклад, ствараецца міні-музей старажытных рэчаў “Беларуская даўніна”. Пастаўлена работа і ў экалагічным накірунку. Іна Уладзіміраўна рэалізуе мэтавую праграму “Зялёная аптэка”, у бібліятэцы аформлены тэматычны куток “Кладоўка здароўя”. Тут збіраюцца рэцэпты фітагарбаты, карыснай пры розных хваробах, вядзецца картатэка траўнікаў. А мясцовая дзятва займаецца ў гуртку “Кропелькі”, пад кіраўніцтвам бібліятэкара дзеці збіраюць лекавыя расліны і вывучаюць іх гаючую сілу.
Любімай справай даражыць умейце
