Як паведамілі ў лясгасе, ужо з панядзелка ў раёне адкрыліся елачныя кірмашы. Набыць зялёную прыгажуню на свой густ
можна ў любым лясніцтве.
Напрыклад, Бешанковіцкае лясніцтва гатова задаволіць запыты самых запатрабаваных пакупнікоў. Традыцыйна тут штогод рэалізоўваюць да 400 навагодніх елак. Кошт іх вагаецца ў залежнасці ад памеру ад 18 да 72 тысяч рублёў.
Акрамя таго, лясгас плануе паставіць сваю прадукцыю як у магазіны райпа, так і на рынкі г. Віцебска. У Бешанковічах набыць елку можна ў “Культтаварах” ці ў магазіне “Гаспадарчыя тавары”. Лясніцтва паставіла ў гандлёвую сетку 200 лясных прыгажунь.
Лесаводы папярэджваюць: куды даражэй елка абыдзецца тым, хто вырашыць самавольна высекчы яе ў лесе. За гэта на парушальнікаў у адпаведнасці з заканадаўствам накладваецца штраф у памеры да 50 базавых велічынь.
