Сёлета чакаецца значнае папаўненне ў асяроддзі медыкаў цэнтральнай раённай бальніцы.
Усе шэсць маладых спецыялістаў з’яўляюцца выпускнікамі Віцебскага дзяржаўнага медыцынскага ўніверсітэта і Беларускага дзяржаўнага медыцынскага ўніверсітэта. Кіраўніцтва цэнтральнай раённай бальніцы лічыць, што з іх дапамогай істотна палепшыцца якасць лячэння захворванняў непасрэдна ў сценах установы аховы здароўя, і ў далейшым істотна зменшыцца колькасць людзей, якія накіроўваюцца з Бешанковіч у лячэбныя ўстановы г. Віцебска.
