Першабытныя тарфянікавыя паселішчы каля в. Асавец Бешанковіцкага раёна выклікаюць вялікі інтарэс сярод беларускіх і замежных археолагаў. Напрыканцы жніўня сюды адбылася сумесная міжнародная экспедыцыя Інстытута гісторыі НАН Беларусі і навукоўцаў з Эстоніі і Расійскай Федэрацыі.
У экспедыцыі прынялі ўдзел: Максім Чарняўскі, старшы навуковы супрацоўнік аддзела археалогіі першабытнага грамадства Інстытута гісторыі НАН Беларусі; Сяргей Ліневіч, навуковы супрацоўнік аддзела археалогіі першабытнага грамадства Інстытута гісторыі НАН Беларусі; Айвар Крыіска, доктар археалогіі, прафесар лабараторыі археалогіі ўніверсітэта г. Тарту, дэпартамент археалогіі (Эстонія); Юры Плада, доктар геалогіі, старшы навуковы супрацоўнік геафізікі і петрафізікі ўніверсітэта г. Тарту, дэпартамент геалогіі (Эстонія); Аліна Чугай-Цырульнікава, аспірантка ўніверсітэта г. Тарту, дэпартамент геалогіі (Эстонія); Ірына Хрусталёва, малодшы навуковы супрацоўнік аддзела археалогіі Усходняй Еўропы і Сібіры, Дзяржаўны Эрмітаж (СПб, РФ).
Праводзіліся археалагічныя і геарадарныя даследаванні паселішча з выкарыстаннем складанай апаратуры, якая да таго ж вельмі дорага каштуе. Яна была прывезена замежнымі навукоўцамі.
з выкарыстаннем складанай апаратуры.
Станіслаў ЛЕАНЕНКА,
краязнаўца.
