Раённае спартыўна-мастацкае свята прысвечана 75-годдзю вызвалення Беларусі ад нямецка-фашысцкіх захопнікаў і збярэ аматараў здаровага ладу жыцця і актыўнага адпачынку з ліку прадстаўнікоў аддзелаў і ўпраўленняў райвыканкама, мясцовых Саветаў дэпутатаў, працоўных калектываў і ўсіх жадаючых на гарадскім стадыёне.
У праграме, акрамя лыжнай эстафеты і індывідуальных гонак, чакаюцца іншыя спаборніцтвы. Землякі могуць выпрабаваць сябе на трываласць у армрэстлінгу і гіравым спорце, праверыць зоркасць вока ў дартсе і моц у перацягванні каната.
Урачыстае адкрыццё свята запланавана на 10 гадзін у суботу, 9 лютага. Прыходзьце, не пашкадуеце!
Марыя САНЬКО
