Цікавая гульня, сяброўскія размовы, станоўчыя эмоцыі і безліч напружаных момантаў, калі фартуна была на баку то адных, то другіх – незабыўныя ўспаміны кожнага спартсмена. Без гэтага не абыходзіцца ні адно спаборніцтва. Нядаўняя спартыўная «бітва» – у ліку тых, што надоўга застаюцца ў памяці.
Турнір па баскетболе сярод юнакоў сабраў бешанковіцкіх аматараў спорту на пляцоўцы ў ФСК «Дзвіна». За перамогу змагаліся вучні сярэдніх школ райцэнтра і ДУА «Астровенская д/с-СШ». Сапернікі падабраліся роўныя па сіле, у кожным матчы барацьба ішла да апошняга імгнення, пакуль пераможны мяч не быў закінуты ў кальцо.
У выніку першае месца заваявалі баскетбалісты з СШ №2 г. п. Бешанковічы, другое – вучні СШ №1 гарпасёлка, на трэцім размясціліся астровенцы. Памятнымі ўзнагародамі для юных спартсменаў сталі граматы ад ФСК «Дзвіна» і салодкія прызы ад РК ГА «БРСМ».
Марыя САНЬКО.
