Сёння, 26 чэрвеня, жыхароў і гасцей Бешанковіч сваёй творчасцю парадуе адзін з вядучых мастацкіх калектываў нашай краіны – Нацыянальны акадэмічны народны хор Рэспублікі Беларусь імя Г. І. Цітовіча.
Артысты выступяць з канцэртнай праграмай «Зычныя галасы Беларусі», прысвечанай 75-годдзю Вялікай Перамогі і надыходзячаму Дню Незалежнасці Рэспублікі Беларусь. Праграма хору будзе насычана рознымі песеннымі, інструментальнымі і танцавальнымі нумарамі. Мерапрыемства пройдзе ў цэнтральным парку. Пачатак запланаваны на 19 гадзін.
