Старшыня Бешанковіцкага раённага Савета дэпутатаў Г. М. Шведаў і начальнік аддзела па адукацыі Бешанковіцкага райвыканкама А. І. Ерашоў 13 студзеня наведалі Ульскую і Бачэйкаўскую сярэднія школы.
У час сустрэч з працоўнымі калектывамі Генадзь Міхайлавіч Шведаў выканаў пачэсную місію – уручыў кіраўнікам устаноў адукацыі падарункавыя сертыфікаты на 11 камп’ютараў кожнай, выдзеленых Міністэрствам адукацыі Рэспублікі Беларусь школам Прыдзвіння ў рамках рэалізацыі падпраграмы “Лічбавая трансфармацыя” Дзяржаўнай праграмы развіцця лічбавай эканомікі і інфармацыйнага грамадства на 2016-2020 гады.
