Шаноўныя работнікі і ветэраны будаўнічай галіны раёна!
Прыміце шчырыя віншаванні з прафесійным святам!
Ваша праца — аснова дабрабыту і стабільнасці, яна дорыць радасць наваселля многім пакаленням землякоў, з’яўляецца годным летапісам дня сённяшняга. Менавіта вы закладваеце падмурак камфортнага жыцця. Вашымі рукамі ўзводзяцца найважнейшыя элементы інфраструктуры і сацыяльныя аб’екты, што фарміруюць аблічча нашага раёна, даюць яму магчымасць развівацца, рухацца наперад ва ўмовах асваення сучасных тэхналогій, укаранення найноўшых будаўнічых матэрыялаў.
За кожным праектам — працавітыя і адданыя сваёй справе людзі. Няхай ваш прафесіяналізм дапамагае Бешанковіччыне прыгажэць, будзе залогам упэўненасці ў заўтрашнім дні!
Жадаем вам моцнага здароўя, дасягнення новых прафесійных вышынь, любові, шчасця і сямейнага дабрабыту!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
