На лепшы твор пра Бешанковічы
Рэдакцыя раённай газеты «Зара» сумесна з аддзелам ідэалагічнай работы, культуры і па справах моладзі райвыканкама аб’яўляе аб правядзенні конкурсу на лепшы паэтычны, празаічны твор пра Бешанковічы, прысвечаны 575-годдзю гарпасёлка.
Паўдзельнічаць у конкурсе можа любы жадаючы. Конкурсныя работы прымаюцца па 29 ліпеня, іх неабходна дасылаць на электронны адрас zarabesh@yandex.ru або на паштовы адрас: г. п. Бешанковічы, вул. Савецкая, 15.
Творы лаўрэатаў конкурсу будуць апублікаваны на старонках «Зары». А ўзнагароджанне пераможцаў адбудзецца падчас урачыстых мерапрыемстваў 6 жніўня.
…і на лепшы рэцэпт стравы з бульбы
У рамках святкавання юбілею горада пройдзе абласны конкурс «Бульбашы на кірмашы». Вы можаце стаць яго непасрэдным удзельнікам. Для гэтага неабходна даслаць у рэдакцыю свой рэцэпт стравы з бульбы. Галоўная ўмова — каб рэцэпт быў арыгінальным, а страва — смачнай!
Святлана ВАРОШКА.
