Кастрычнік 1917 года — гэта сімвал пераўтварэння жыцця, пакланенне перад мужнасцю тых, хто абараняў Радзіму, верыў у светлую будучыню, ішоў на подзвіг у імя ідэі. 105 гадоў таму абвясціўшы прынцып права нацый на самавызначэнне, рэвалюцыя адкрыла шлях да нацыянальнага адраджэння, паскоранага сацыяльна-эканамічнага і культурнага развіцця народаў.
Аддаючы даніну павагі і памяці некалькім пакаленням, што стварылі нашу дзяржаву, сваёй працай памножылі яе эканамічны і культурны патэнцыял, абаранілі ў гады ваеннага ліхалецця, наша краіна ўпэўнена рухаецца наперад. Сёння Беларусь — незалежная дзяржава, у якой паспяхова ажыццяўляецца мноства пераўтварэнняў, накіраваных на павышэнне дабрабыту беларускага народа. Нас аб’ядноўвае агульная задача — умацоўваць магутнасць дзяржавы, ствараць годныя ўмовы жыцця, забяспечваць шчаслівую будучыню дзецям і ўнукам.
Дарагія землякі, жадаем вам моцнага здароўя, шчасця, міру і дабрабыту! Гэты дзень — напамін пра высокія ідэалы і высакародныя мэты. Няхай ён заахвоціць кожнага з нас яшчэ раз задумацца пра перажытае і будучае, дапаможа прыйсці да згоды, узаемапавагі і далейшай плённай дзейнасці на карысць нашага раёна і роднай краіны.
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
