Урачыстае ўручэнне пашпарта сімвалізуе перадачу нацыянальных традыцый ад старэйшага пакалення моладзі. Атрымаць яго ў знакавы для нашай краіны дзень – асабліва ганарова, гэта не проста ўручэнне дакумента, які сведчыць асобу, а яшчэ адзін крок да фарміравання актыўнай грамадзянскай пазіцыі.
Юных прыдзвінцаў на сцэне РЦК павіншавалі старшыня раённага Савета дэпутатаў Генадзь Шведаў, намеснікі старшыні райвыканкама Таццяна Ждановіч і Аляксандр Ерашоў, пракурор Бешанковіцкага раёна Сяргей Урбановіч, начальнік аддзела ідэалагічнай работы, культуры і па справах моладзі райвыканкама Святлана Гайко, начальнік аддзела арганізацыйна-кадравай і юрыдычнай работы райвыканкама Таццяна Петрушэнка, вядучы спецыяліст па рэгістры насельніцтва групы па грамадзянстве і міграцыі РАУС Людміла Мацюшова.
Быць грамадзянінам Рэспублікі Беларусь – высокі гонар. Натхнёныя ўрачыстасцю і віншаваннямі, з агеньчыкам у вачах юнакі і дзяўчаты моцна трымалі ў руках свой першы пашпарт – сімвал адказнасці за ўчынкі, упэўненасці ў сваіх сілах і сваёй будучыні. Што ж, у добры шлях, юныя землякі!
