Вялікая і значная роля Асноўнага Закона краіны ў нашым жыцці. Ён увасобіў у сабе пераемнасць і вопыт шматвяковага гістарычнага шляху, адкрыў новую старонку ў развіцці суверэннай Беларусі. Канстытуцыя з’яўляецца ядром усёй прававой сістэмы і вызначае
сэнс і змест іншых законаў. Закладзеныя ў ёй дэмакратычныя прынцыпы з’яўляюцца найважнейшым фактарам далейшай кансалідацыі грамадства, захавання згоды, міру і стабільнасці, залогам паспяховай рэалізацыі эканамічнага, культурнага і духоўнага патэнцыялу нашага народа. Дабрабыт роднай Беларусі шмат у чым вызначаецца ўменнем працаваць, знаходзіць новыя рашэнні штодзённых задач. Дарагія сябры, землякі! І сёння вашы добрыя справы, самаадданая праца і талент памнажаюць славу роднай зямлі. Няхай гэтае свята ўсяліць упэўненасць у дасягненні мэт умацавання дзяржаўнасці роднай Беларусі!
Жадаем усім жыхарам і гасцям Бешанковіччыны моцнага здароўя, аптымізму, поспехаў у прафесійнай дзейнасці, міру і дабрабыту ў кожным доме і новых здзяйсненняў на карысць роднай Айчыны!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
