Гэты дзень сімвалізуе непарушнае братэрства і духоўную роднасць, шчырае сяброўства і ўзаемную падтрымку, непарыўную блізкасць лёсаў і культурных традыцый народаў Беларусі і Расіі. Гісторыя неаднаразова даказвала: толькі разам мы здольны годна адказаць на любыя выклікі і пагрозы. Сёння наша адзінства мае асаблівую каштоўнасць.
Агульнае гістарычнае мінулае служыць трывалай асновай для развіцця эфектыўнага супрацоўніцтва ў розных сферах. Сумесная работа, усебаковая падтрымка брацкіх народаў прадвызначаюць нашу ўпэўненасць у будучыні. На шляху інтэграцыі зроблена нямала, рэалізуюцца міждзяржаўныя эканамічныя і культурныя праграмы, развіваецца гандаль, вядуцца работы над навуковымі і інавацыйнымі праектамі, працягваецца супрацоўніцтва ў ваенна-тэхнічнай сферы. І ў Беларусі, і ў Расіі нашы грамадзяне маюць роўны доступ да адукацыі, аховы здароўя, сістэмы сацыяльнага забеспячэння, бесперашкоднага працаўладкавання, перамяшчэння і выбару месца жыхарства. Гэтыя вынікі дзейнасці Саюзнай дзяржавы сталі ўжо звыклымі для нас.
Дарагія сябры! Жадаем вам моцнага здароўя, шчасця, міру і дабрабыту! Няхай мацнее саюз двух брацкіх народаў, пабудаваны на ўзаемным шчырым сяброўстве і даверы!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
