Спорт і фізічная культура сталі неад’емнай часткай нашага існавання. Яны аб’ядноўваюць людзей розных узростаў і прафесій, дораць адчуванне паўнаты жыцця, гартуюць характар і волю, вучаць пераадольваць цяжкасці, дапамагаюць умацаваць здароўе нацыі, захаваць сілу, прыгажосць, выхоўваюць моцную, таленавітую моладзь.
Работа па стварэнні сучаснай агульнадаступнай спартыўнай інфраструктуры, падрыхтоўцы алімпійскага рэзерву і паляпшэнні ўмоў трэніровак у раёне не спыняецца. Вялікі дзякуй педагогам, трэнерам і ўсім, для каго дадзеная сфера стала і прафесіяй, і хобі, усім, хто адданы справе далучэння маладога пакалення да здаровага ладу жыцця.
Дзякуючы вашай мэтанакіраванасці і адказнасці нашы юныя спартсмены годна прадстаўляюць раён на спаборніцтвах рознага ўзроўню і дасягаюць высокіх вынікаў. Гэтымі спартыўнымі перамогамі і славіцца, і ганарыцца Бешанковіччына.
Дарагія сябры, жадаем вам моцнага здароўя, выдатнага настрою, бадзёрасці духу, спартыўнага даўгалецця, веры ў свае сілы і новых дасягненняў!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
