Меркаваннем аб узроўні арганізацыі II Гульняў краін СНД і ўражаннямі ад прыёму ў Беларусі з журналістамі падзяліўся намеснік міністра турызму і спорту Рэспублікі Узбекістан Шахрыла Махмудаў, перадае карэспандэнт БЕЛТА.
«Наш узбекскі народ і ўсе краіны СНД засумавалі па такіх гульнях. Вялікі дзякуй ураду Беларусі, Міністэрству спорту за цёплы прыём і за арганізацыю. Спартсмены з задавальненнем удзельнічаюць. Мы ўдзельнічаем у 22 відах спорту», — сказаў Шахрыла Махмудаў.
Ён дадаў: «Цяжкая атлетыка — мой родны від спорту, і праводзіцца яна ў Гродне — на радзіме майго блізкага сябра Аляксандра Курловіча. Гэта маляўнічы горад. Тут народ шануе гэты від спорту. Гэта відаць па колькасці гледачоў на трыбунах».
«Вельмі прыемна, што менавіта цяжкаатлеты нашы зрабілі зачын медальны. Нам пашанцавала з беларускім памостам. Тут спартсмены адчуваюць сябе як дома: ніякага мандражу. І клімат адпавядае», — падзяліўся Шахрыла Махмудаў.
Ён падкрэсліў, што ў цэлым радуе выступленне ўзбекскіх спартсменаў па ўсіх відах спорту.
