Сёння ў Бешанковічах пачала сваю работу двухдзённая навукова-практычная канферэнцыя «Бешанковіцкі край: гісторыка-культурная спадчына рэгіёна», прымеркаваная да 100-годдзя Бешанковіцкага раёна.
Нагадаем, арганізатарамі мерапрыемства выступілі Інстытут гісторыі і Цэнтр даследаванняў беларускай культуры, мовы і літаратуры НАН Беларусі і Бешанковіцкі раённы выканаўчы камітэт.
Форум, які праходзіць на базе СШ №2 г. п. Бешанковічы імя М. М. Ткачэнкі, стаў знакавай падзеяй для раёна: у год 80-годдзя вызвалення Беларусі ад нямецка-фашысцкіх захопнікаў Бешанковіччына святкуе 100-годдзе з дня заснавання раёна і стала сталіцай абласных «Дажынак».
Менавіта ў гэтыя дні мы ўспамінаем багатую гісторыю сваёй малой радзімы, аддаём даніну павагі тым, хто аддаў Бешанковіччыне сваю працу, свой талент і майстэрства, унёс вялікі ўклад у развіццё раёна. Схіляем галовы перад землякамі, якія самааддана змагаліся за свабоду і незалежнасць роднай зямлі.
Наша гісторыя і нашы землякі сёння з’яўляюцца галоўнымі тэмамі ўсіх выступоўцаў…
