Навукова-практычная канферэнцыя «Бешанковіцкі край: гісторыка-культурная спадчына рэгіена», прымеркаваная да 100-годдзя Бешанковіцкага раёна, пройдзе ў Бешанковічах 20 — 21 чэрвеня.
Арганізатарамі мерапрыемства выступілі Інстытут гісторыі і Цэнтр даследаванняў беларускай культуры, мовы і літаратуры Нацыянальнай акадэміі навук Беларусі, Бешанковіцкі раённы выканаўчы камітэт.
Форум збярэ прадстаўнікоў навуковай грамадскасці, супрацоўнікаў музейных, архіўных, бібліятэчных устаноў вобласці і краіны, педагогаў і краязнаўцаў.
Парадак дня канферэнцыі, асноўныя мерапрыемствы якой пройдуць на базе СШ №2 г. п. Бешанковічы імя М. М. Ткачэнкі, даволі насычаны. Запланаваны аглядныя экскурсіі, праца па секцыях, «круглы стол».
