Паважаныя жыхары Бешанковіцкага раёна — дарослыя і дзеці!
Віншуем усіх з яркім летнім святам — Міжнародным днём абароны дзяцей!
Самыя светлыя, чыстыя і добрыя ўспаміны звязаны з дзяцінствам — часам, калі свет вакол здаецца велізарным, неба — бясхмарным, калі шчыра верыш у цуд і радуешся кожнаму новаму дню. Гэта добрае дзіцячае свята нагадвае нам, дарослым, пра тую вялікую адказнасць, якую мы нясем за юнае пакаленне. Няма нічога больш важнага ў жыцці, чым здароўе і шчасце нашых дзяцей.
Радуе, што дзеці нашага раёна маюць магчымасць рэалізоўваць свае таленты ў вучобе, спорце і творчасці. Многія з іх, нягледзячы на даволі юны ўзрост, паспяхова прадстаўляюць раён на спаборніцтвах і конкурсах рознага ўзроўню.
У гэты першы летні дзень жадаем вам, дарагія дзеці, поспехаў ва ўсіх пачынаннях, вясёлых канікул, новых сяброў, шчасця, радасці і здароўя! Няхай вас заўсёды акружаюць увага і клопат, любоў і душэўнае цяпло бацькоў.
Дарослым жа хочацца пажадаць гонару за дзяцей і ўнукаў, моцнага здароўя, любові і дабрабыту.
Галіна Унуковіч, старшыня раённага выканаўчага камітэта.
Генадзь Шведаў, старшыня раённага Савета дэпутатаў.
