Шаноўныя работнікі і ветэраны будаўнічай галіны!
Прыміце самыя шчырыя віншаванні з прафесійным святам!
Будаўнікі — людзі самай мірнай і стваральнай прафесіі. Ваша праца бачная кожнаму і таму мае вялікую грамадскую значнасць. Бо яе якасць — гэта, перш за ўсё, дабрабыт людзей, іх годнае і ўпэўненае жыццё.
Ад вашых ведаў і вопыту залежыць якасць сацыяльных абъектаў, надзейнасць сучасных вытворчасцей, транспартнай і энергетычнай інфраструктуры.
Асаблівыя словы падзякі — ветэранам галіны, прафесійны вопыт якіх служыць надзейнай асновай і арыенцірам маладому пакаленню.
Дарагія сябры, няхай усё, што ствараецца вамі, радуе землякоў доўгія гады. Няхай прафесіяналізм і адказнасць, адданасць будаўнікоў сваёй справе дапамагаюць нашаму раёну станавіцца больш утульным і прывабным. Жадаем вам і вашым блізкім моцнага здароўя, дабрабыту, шчасця, поспехаў у ажыццяўленні планаў і актыўнай стваральнай працы на карысць нашай Радзімы!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
