Шаноўныя жыхары Бешанковіччыны, настаўнікі і ветэраны педагагічнай працы! Дарагія навучэнцы і бацькі!
Прыміце самыя шчырыя віншаванні з Днём ведаў і пачаткам новага навучальнага года!
1 верасня — асаблівы святочны дзень, з якога пачынаецца дарога ў захапляльны свет ведаў. Якіх бы вышыняў ні дасягаў чалавек, шлях да іх пачынаецца ў школе. Адукацыя — той надзейны фундамент, на якім будуецца дабрабыт дзяржавы. Задача школы — не толькі ўзброіць навучэнцаў сучаснымі дасягненнямі навукі і культуры, але і выхаваць іх грамадзянамі сваёй Айчыны. Глыбокія веды неабходна спалучаць з актыўнай жыццёвай пазіцыяй, абапіраючыся на сапраўдныя каштоўнасці.
Шаноўныя педагогі! Ваша праца вельмі важная, ганаровая і высакародная. Выказваем вам шчырую ўдзячнасць за высокі прафесіяналізм, вернасць прызванню, чуласць і душэўную цеплыню, якую вы так шчодра дорыце сваім вучням.
Дарагія хлопчыкі і дзяўчынкі! Наперадзе ў вас новы навучальны год. Няхай ён будзе напоўнены не толькі клопатамі, але і радасцю пазнання свету, знамянальнымі падзеямі, набыццём верных сяброў. Асаблівыя віншаванні ў гэты дзень першакласнікам. Паспяховай вам вучобы, цікавага і захапляльнага школьнага жыцця.
Жадаем школьнікам працавітасці, дапытлівасці, розуму. Педагогам — творчага гарэння, пастаяннага пошуку, дасягненняў. А бацькам — гонару за сваіх дзяцей. Жадаем усім моцнага здароўя, дабрабыту, шчасця, новых дасягненняў у працы і вучобе. Няхай новы навучальны год будзе напоўнены радасцю, яркімі адкрыццямі. У добры шлях!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
