У суботу, 19 кастрычніка, у Бешанковічах пройдзе раённы восеньскі сельскагаспадарчы кірмаш. Пачне сваю працу ён а 9-й гадзіне.
На Камуністычнай, 10, жыхары раёна змогуць назапасіцца бульбай, гароднінай, набыць садавіну, іншую сельскагаспадарчую прадукцыю.
Работнікі культуры падрыхтавалі канцэртную праграму, а яшчэ будзе арганізавана любімая ўсімі бяспройгрышная латарэя, галоўны прыз якой – цяля.
Прыходзьце за пакупкамі і добрым настроем!