Шаноўныя жыхары Бешанковіцкага раёна!
Прыміце шчырыя віншаванні з Днём Канстытуцыі Рэспублікі Беларусь!
Канстытуцыя ва ўсе часы была ўвасабленнем дзяржаўнасці, грамадзянскасці, дэмакратычных правоў і свабод чалавека. Яна адлюстроўвае ўвесь вопыт і дасягненні Беларусі, вызначае стратэгію далейшага развіцця краіны. Гэта падмурак для будаўніцтва свабоднай, моцнай і незалежнай дзяржавы, выказванне волі і інтарэсаў народа, сімвал яго адзінства, згуртаванасці.
Асноўны Закон краіны зацвердзіў правы і свабоды кожнага, роўнасць незалежна ад нацыянальнасці, паходжання, веравызнання. Прытрымліваючыся яго норм, мы забяспечваем зладжаную і эфектыўную работу ўсіх галін улады, згоду ў грамадстве, пабудову канкурэнтаздольнай эканомікі, правядзенне эфектыўнай сацыяльнай палітыкі, накіраванай на стварэнне спрыяльных умоў для дастойнага жыцця чалавека.
Шанаваць і захоўваць закладзеныя ў Канстытуцыі агульнанацыянальныя каштоўнасці, будаваць на іх аснове стабільную, прававую, дэмакратычную дзяржаву, памятаць сваю гісторыю, берагчы законы, быць справядлівым і сумленным у сваіх думках і ўчынках, разам рабіць усё магчымае для дабрабыту роднага краю — гэта якасці сапраўднага грамадзяніна сваёй Радзімы.
Дарагія землякі, жадаем усім вам моцнага здароўя і шчасця, міру і новых дасягненняў у імя развіцця і росквіту любімай Беларусі!
Галіна УНУКОВІЧ,
старшыня раённага выканаўчага камітэта.
Генадзь ШВЕДАЎ,
старшыня раённага Савета дэпутатаў.
