Шаноўныя работнікі і ветэраны працы лёгкай прамысловасці!
Прыміце шчырыя віншаванні з прафесійным святам!
Лёгкая прамысловасць — важны складнік індустрыяльнага патэнцыялу Рэспублікі Беларусь, сфера, што задавальняе разнастайныя паўсядзённыя і жыццёва неабходныя патрэбнасці насельніцтва.
Работнікаў дадзенай галіны заўсёды адрознівалі добрасумленная праца, творчы пошук, імкненне ісці ў нагу з часам, улічваць густ заказчыкаў. Высокая канкурэнцыя і неабходнасць адпавядаць спажывецкім запытам патрабуюць укаранення новых тэхналогій, мадэрнізацыі вытворчасцей і пашырэння асартыменту тавараў.
Вы — майстры сваёй справы, захоўваеце працоўныя традыцыі папярэдніх пакаленняў і ўвесь час працуеце над паляпшэннем якасці прадукцыі, павышаючы прэстыж айчынных вырабаў. Асаблівая ўдзячнасць ветэранам працы за адданасць прафесіі, вопыт, які перадаецца моладзі.
Жадаем вам моцнага здароўя, шчасця, міру і дабрабыту, далейшых творчых дасягненняў! Няхай поспех спадарожнічае ў рэалізацыі ўсіх намечаных планаў, а прафесійная дзейнасць прыносіць радасць і задавальненне!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
