Аграрыі раёна прыступілі да ўборкі царыцы палёў.
Кукурузай сёлета ў раёне занята 2928 гектараў. Па стане на 11 верасня, было ўбрана 9% плошчаў. Аператыўна да закладкі кукурузы на сілас прыступілі механізатары ДП «ПалітаддзелецАгра», УП «Свіціна-ВМК» і СУП «Вядзерава», дзе ўбрана адпаведна 30, 24 і 21% палеткаў, што заняты кармавой культурай. Па 2% плошчаў спарадкавалі прадстаўнікі ЗАТ «ААБ-Агра Наватар» і ПУП «АграВітВін».
У раёне працягваецца і сяўба азімых збожжавых. Насеннем запраўлена 28% плошчаў. На 46% з заданнем справіліся ўжо механізатары СУП «Вядзерава», 40,5% плошчаў засеялі ў «ПалітаддзельцыАгра», 36% – у Ульскім прафесійным ліцэі.
